السسلام عليكم ورحمة الله وبركاته

كيفكم هذي القصه حقيقيه واللي كاتبها يشكي حاله لخويه..
أخليكم مع القصه وأن شاء الله تعجبكم..


ثلاث سنين أنا اخطط لهذا اليوم يابو سعود

تيسر حالي وجاهز أوفي وعدي بوقته

وفجأه جتني تتعذر تقول تأخرت الوعود

وأنا مستغرب وأسمع كأني وعدها خنته

حسبت أنها تمازحني وتتصنع جفاوصدود

ضحكت بوجهها من قلب مع أنها بايخه النكته

وقالت أرضى بالواقع قلبي ماهو المعهود

تغير كل شي صوبك نصيبي ما أضن انته

وكنت بيوم محبوبي ولكن ما أضن نعود

وصل من قبل ماتوصل وأنا ذاك الصبر عفته

ولكن تكفى صدقني ويشهد ربي المعبود

ترى ما خنتك بغفله ولا كلمته وشفته

صراحه أهلي قالولي بانه ولد أصل وجود

وجتني أمه بالصوره وبكلمات المدح أخته

سكت وقلت لي فرصه مادام الجود فـــ الموجود

وقالوا كل من حولي علامات الرضى سكته

وأنا فكرت دام أمه وأخته ماعليهم زود

أكيد أني باراضيهم أذا وافقت واخترته

وأراضي أهلي وخواني مادام أن الفرح مقصود

عطيت الناس أنا كلمه ومعاهم وقتي حددته

ولا أقدر أغيرها ترى عند العرب منقود

أوافق وأعتذر باكر وأقول الراي غيرته

تبي تشرح لي المنقود تصدق عاد يابو سعود

تبيني أقتنع وأرضى بحال عمري ماعشته

أنا ماني بقايلها عسى يفرش ثراها ورود

بعد ماحطمت قلبي وطعم الموت جربته

عسى فبستانها أشواك وفي ثوبه عقارب سود

ونار تحرق الكوشه وتحرق بيتهم حتى

وموت بليلة الدخله يبرد حرتي ياكود

ولا أحس أنها بحظنه يلامس خد لامسته

علي أهون أذا ماتو ولابنفس السرير رقود

ترى صعب علي أتخيل اللي ماتخيلته

عسى قاع الثرى يقسى ويتحول صخر جلمود

وحفار القبر يرفض يسوي فوق مقدرته

ترى دفنة عديل الذات تلوع حتى كبد الدود

ومن خاق العهود ومات تعافه حتى مقبرته

عسى ربي يجازيهم بحبل من مسد ممدود

يعلقهم من أطرافه وفوقه نار وتحته

أنا ماني حقود وشين ولاني من نسل نمرود

ومن حط نفسه بوضعي بيقول اللي أنا قلته

مدام الفعل له ردة فعل والله أبشري بردور

وبدعي دامني حي وبغرس للدعى نبته

وبسقيها نزيف القلب ودمع مارحم الخدود

وتكبر والثمر ثاري من اللي خانني وصنته

انا نذر علي اكتب وأفجر هالقصيد رعود

وأسمع كل بشر صوتي عجبته ولا زعلته

وأردد للي يسمعني أذا حبيت حط حدود

أنا حبيت دون حدودوشوف اللي تكبدته

ثلاث سنين أنا ابني وجت صوره بكل برود

خذت مني شقا عمري وحلم قلت حققته

ثلاث سنين أنا أخطط لهذا اليوم يابو سعود

وتوافق من كلام اخته وصوره أربعه فـــــــ سته




تقبلو تحياتي..